تجربتي مع القدرات وارتفاع 25+ درجه " ماشاءالله".. نصائح ذهبية لكَم

السلام عليكم ورحمه الله وبركاته

هاذي أول مُشاركة لي بالمدونه بعد إنقطاع فترة طويلة من الزمن.. ما حبيَت أغير اسمها حتى لأن كانت هذي بدايتي بعالم النت.. وحبَيت أكمل بأسمها 🖤.

نبدأ بسم لله بتجربتي مع القدرات و رسالتي لأي شخص تحطم من صدور درجته و زعل وحزن كثيير بس لأن درجته كانت مو الي يطمح لها!! و أقوله ترى الفرص بيدك.. مافي شيء صعب! إنت توكل وأدعي و اعمل بالمسببات.. وهذي تجربتي الحمدلله مع القدرات 💞..

ما توقعت بيوم بكتبها .. كنت أتمنى بصراحه أكتبها..

" تجربتي للأختبار الأول "

قبل سنتين.. كنت عارفه انه في شيء إسمه"قَدرات" و إنه مرعب قلوب الناس.. لانه من خلاله يتحدد مصيرك بس استهونا فيه انا وصديقاتي و يمكن الفصل كامل حتى.. بالبداية قررنا اننا مانذاكر ولا أي نقطه! قلنا بنعتمد ونختبر الذكاء الخارق حقنا بالمعنى الأصح..

وفعلًا دخلنا الأختبار .. 

صراحه كنت أحل ويبقى وقت من كثر التناحه 😏💗💗..

" النتائج " 

بصراحة النتائج كانت صدمه!! محطمه للأمال بالذات كان وَدي بالتحضيري الصحي حيييل.. 

كل الي اعرفهم والي قريبين مني فوق ال 65.. الي 80 وفوق الي 70 وفوق الا أنا .. في الخمسين بكل أسف..

لَدرجه تحطمت بشكل.. وقلت انا مستحيل اجيب اعلى! وكانت أول غلطة أركتبها بحق نفسي..

و كنت أُحرج لما يسألوني كم نسبتك؟! أقولهم بحواف الستين على أساس إني زيهم وانزل بشويه.. بس فشله أقول خمسين!!💔..

" الأختبار الثاني " 

شديت على نفسي.. حاولت أركز على الي أعرف له ..  اخذت كتاب رام.. وطبقت وفهمت ..واهملت قسم واهتميت بقسم.. و قريت التجميعات قرايه وكانت غلطتي الثانيه .. 

" النتائج" 

صار العكس.. ارتفعت بقسم ونزلت بقسم وجبت بحافه الستين 😐..

كانت صدمه لأني حسيت نفسي شديت !!! 

بس ما تحطمت وفرحت مره بالذات اني شفت نتيجه.. والجايات احلى قلت.. 💗💗

"في اختباري الثالث"

الحمدلله كثيييير .. شديت همتي وبدأت أذاكر واشد و شديت باللفظي.. والحمدلله الحمدلله اختباري كان ورقي..

"النتائج"

الحمدلله كان الاختبار مرضي.. جبت فوق ال 76..💗💗

كان مرضي بالنسبة لي.. لأن كثير عند مدرسين وماجابوها..

"اختباري الرابع والأخير"

ما أختبرت أختباري الخامس.. ولكن اكتفيت في ذا.. 💗

كان محوسب.. طبعًا مع الفهم ذاكرت تجميعات.. ودخلت الاختبار..

" النتائج" 

كانت مُرضية جدًا .. ماشاءالله♥..

فوق ال 80 بالراحة..

وحاليًا أكلمكم من السنة التحضيرية الطبية للبنات♥

"ماشاءالله تبارك الله"..

الخلاصة و أهم شي تركزو عليه وتجيبون 90+

والله انو في وحده من بعد الله ثم كلامي جابت عالي مره♥

واللحين هي معي..

1- الصلاه، الاستغفار، الثقه بالله هاذا اهم شيء ان ربي بيعوضك بالأفضل مهما صار ♥

2- مراجعه الأساسيات أنصحكم بكتاب " عماد الجزائري " 

جدًا حلو بالذات اول الفصول مره حلوه وفي لها شروحات باليوتيوب بس تحملون التطبيق الخاص فيَه.. 

3- التجمييييعاااات... التجميعات..

4- اذا في وقت انصحكم بكتاب ابدأ من هنا.. 

5- لخص القوانين..

6- بالنسبة للفظي، كتاب هدفك في اللفظي يجنن يخليك ميه ميه .. 

اختبارك المحوسب قريب؟! بأذن الله انك تجيبها 90+ 

أتبع كلامي..

1- أفهم الاساسيات تراها ممتعه مره لا تقول يوه.. مشوار.. خذها بالمتعه فقط..

2- التجميعات..

إذا أخذتم كلامي بعين الأعتبَار بأذن الله نتايجكم بتيجي مُرضية.. 

" بالنسبة للي يقول تجميع المحوسب نسخ لصق " ..

ايش له داعي اساسيات؟! 

اولاً هي بتفيدك بالورقي و الفرص الاخرى.. 

ثانيًا إفرض بيومك تغير النموذج.. ترى مافي فيه شيء ثابت.. فتكون عارف.. وفاهم .. ومتأسس.. هاذي بس زيادة للخير خيرين..

اختموا القراءه بَ"ماشاءالله تبارك الله"..

حبيت أفيدكم لا تسمحوا للناس بتحطيمكم ترى انا لقيت بمشواري تحطيم الين يومكم حاز بنفسي بس الحمدلله قدرت اثبت نفسي افضل منهم..

حتى إنت تقدر! وتقدرين..

أساسيات الفهم: 

كتاب هدفك "لفظي"

كتاب "عماد الجزيري" كمي

روابط مُهمة بالنسبة لك تجميعات المحوسب الفتره الحالية : 

التجميع الحديث - كمي
https://goo.gl/tfCbTf
التجميع الحديث - لفظي
https://goo.gl/Sr5L3M
التجميع الحديث - قطع
https://goo.gl/xvEMzY

ال ٣٠ نموذج الإصدار الثالث - كمي

https://goo.gl/w33nTi
____________________________

نماذج المختبرين اللي بتتذاكر حاليا :

نموذج القدرات الدماغية و البنوك /

http://up.top4top.net/downloadf-179e6jj1-pdf.html

الريح و المكتبات /
http://up.top4top.net/downloadf-3110s9dq1-pdf.html

جورج و الكوليسترول /
https://goo.gl/7WgGu7

التجارة و التصوير /
https://up.top4top.net/downloadf-301egjhn1-pdf.html

التعمية و التقويم /
https://up.top4top.net/f-267bftn1-pdf.html

----------------------------
موسوعة تجميع المحوسب
https://goo.gl/k7Q8V19

ملخصات من تجميعي، ما أحلل النقل بدون ذكر المصدر..

" راجعوها بعد الفهم " 

تثبت المعلومه لكم.. 

وفي الختام اتمنى ان ينال الموضوع على اعجابكم..

أرجو منكم طرح الاسئلة والاستفسارات..

تم بحمدلله اختصار القصه   ... النجاح عظيم!👌